Munkeno → preĝejoj → S-ta Spirito
En Munkeno troviĝas ankaŭ
evangelia preĝejo konsekrita al
la Sankta Spirito;
sed pli granda kaj centra estas la katolika paroĥa
preĝejo de la Sankta Spirito.
Ĝi troviĝas nur kelkajn paŝojn de Marienplatz,
malantaŭ la Malnova Urbodomo,
inter strato Tal kaj la nutraĵa bazaro
Viktualienmarkt.
La preĝejo estas ankaŭ inter la plej malnovaj de la urbo; ĝi ekzistis jam antaŭ la granda incendio de 1327, kaj la restaĵoj estis renovigitaj al trinava hala kirko. En la 18-a jarcento la preĝejo estis barokigita kaj fine de la 19-a jarcento pligrandigita, ricevante nov-barokan fasadon okcidentan (maldekstre en la bildo). Dum la Dua Mondmilito la konstruaĵo estis serioze damaĝita; la rekonstruado daŭris ĝis la 1970-aj jaroj.