Ŝiparestro

Bedaŭrinde, via foliumilo ne povas plenumi Java-1.0-programojn, tial vi ne povas ludi la ludon!

Tiu ĉi ludo iam (antaŭ disvastiĝo de komputiloj) estis multe ludata de Germanaj, eble ankaŭ aliaj, lernantoj dum tedaj lernejaj lecionoj. La reguloj estas simplaj:

Ĉiu ludanto estas ŝiparestro (aŭ admiralo, se vi preferas). Unue ĉiu ludanto desegnas por si kampon (maron) de 10 × 10 kvadratoj, kaj en tiun kampon metas dek ŝipojn:
- kvar kun unu kvadrato
- tri kun du kvadratoj
- du kun tri kvadratoj
- unu kun kvar kvadratoj
La kvadratoj de unu ŝipo devas esti koneksaj horizontale aŭ vertikale; ne sufiĉas diagonala konekseco. Du ŝipoj devas ne tuŝi unu la alian, nek horizontale, nek vertikale, nek diagonale.
Ne eblas vidi la ŝipojn de la kontraŭulo; eble ili estas tro malproksimaj, aŭ estas nokto, aŭ temas pri submaraj ŝipoj.
Ĉi-supre la maldekstra kvadrato apartenas al vi, la dekstra estas de la komputilo. Metu viajn ŝipojn klakante per la muso (maldekstre). Ĉe la pli grandaj ŝipoj, flavaj punktoj montras al vi la disponeblajn kvadratojn.
Poste la ludantoj alterne "pafas" al la kontraŭula kampo, indikante iun kvadraton (ankoraŭ nepafitan). En la ĉi-supra ludo la ludanto simple alklakas la kvadraton (dekstre) per la muso. Trafitaj ŝipoj estas markitaj (anoncitaj). Komplete detruitaj ("sinkigitaj") ŝipoj estas markitaj per ruĝa koloro.
Malgajnas tiu, kiu perdas sian lastan ŝipon, kompreneble.

Havu plezuron!

Jen la Java-kodo kaj la Javadoc-dokumentoj. Ĉi-lastaj estas en stranga miksaĵo el Esperanto kaj la Angla, ĉar mi ankoraŭ ne tradukis la unulingvajn mesaĝojn de Javadoc.