Munkeno → trafiko → publika trafiko

Publika trafiko en Munkeno

La publika trafiko en Munkeno baziĝas precipe sur kvin trafikiloj:

1. Taksioj; ekzistas en Munkeno relative multe da ili, tiel ke la taksiistoj pro konkurenco multe deĵoras; tial plej ofte estas facile trovi taksion. Eblas mansvinge voki preterpasantan taksion, eniri ĝin ĉe taksi-haltejo aŭ telefone voki ĝin. La prezoj konsistas el komenca kotizo, laŭdistanca kotizo por veturado kaj laŭtempa kotizo por starado. Ekzemplo: En 2004 veturado de la urbocentro al la flughaveno kostas proksimume € 56,00 (laŭ listo de www.taxi-muenchen.de).
2. Publika trafiko en la kadro de la Munkena Trafik-Ligo, kiu zorgas pri interkonektoj kaj unueca tarifo. Per unu bileto do eblas uzi plurajn trafikilojn, veturante al antaŭdifinita celo.
   • Trajnoj, precipe la "antaŭurbaj" trajnoj de la sistemo S-Bahn, kiu iam apartenis al la federacia fervojo, sed nun estas organizata de kompanio, en kiu laboras la lando Bavario. Ekzistas la linioj S1 – S8 (elektraj) kaj la linio A (dizela).
   • Metroo, funkciigata de la urbo. La metroon simbolas la litero "U" (blanka sur blua fono), kiu signifas ne "urba", sed "Untergrund" (subtera). Ekzistas la linioj U1 – U8.
   • Tramo, same funkciigata de la urbo.
   • Busoj, en la urbo plejparte funkciigataj de aŭ komisie de la urbo. En la eksterurba regiono laboras ankaŭ privataj buskompanioj.